Plantun de Prouvènço

Pèr coumpara dos planto d'encò nostre

Cerastium latifolium & Euphorbia spinosa

Cerastium latifolium

Caryophyllaceae

Nom en français : Céraiste à larges feuilles.

Descripcioun :
Aquéu ceraiste trachis dins lis esboudèu e li roucaio d'auto mountagno ounte flouris emé si "gròssi" flour blanco i mes de juliet e d'avoust. Èi pas proun grand, mai fai de tijo souto terro prefoundo. La planto èi proun pelouso (mai pas li petalo), de cop que i'a pegouso, emé de fueio larjo e un pau cendrouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 1,8 à 2,2 cm
Flourido : Estiéu

Sòu : Ca
Autour basso e auto : 2200 à 3000 m
Aparado : Noun
Juilet à avoust

Liò : Esboudèu - Pelouso roucaiouso
Estànci : Subaupen à Aupen
Couroulougi : Ouroufito-Cèntre-Éuropenco
Ref. sc. : Cerastium latifolium L., 1753

Relachié

Euphorbia spinosa

Euphorbiaceae

Nom en français : Euphorbe épineuse.

Descripcioun :
Lou relachié (J.-L. Domenge, op.cit. p. 59) es uno planto lignouso que fai de mato en boulo, d'ounte parton de pichòtis espino, sus li pendis roucaious di colo. Li fueio an pas ges de péu e soun longo de 1 cm. Se recounèis peréu à si boursoun berrugous, alor que li grano soun lisco.

Usanço :
Li fedo l'esbrouton d'aise.